भरुवा बन्दुकसहित एकजना पक्राउ

२७ फागुन, गोरखा । गोरखामा भरुवा बन्दुकसहित एकजना पक्राउ परेका छन् । गोरखाको चुमनुब्री गाउँपालिका–३ पाङसिङका १९ वर्षीय सन्देश गुरुङ पक्राउ परेका हुन् ।

मंगलबार साँझ उक्त क्षेत्रमा बन्दुक पड्किएको सूचनाको आधारमा प्रहरीको टोलीले उनलाई नियन्त्रणमा लिएको थियो । गुरुङको घर खानतलासी गर्दा अवैध रुपमा राखेको भरुवा बन्दुक फेला परेको प्रहरीले बताएको छ । पक्राउ परेका गुरुङविरुद्ध शुक्रबार हातहतियार खरखजाना अन्तरगत मुद्दा दर्ता गरी आवश्यक कारबाही प्रक्रिया अघि बढाएको छ ।