नेप्सेमा दुई लघुवित्तको शेयरमूल्य समायोजन, कुनको कति ?

२८ फागुन, काठमाडौं । नेपाल स्टक एक्सचेञ्ज (नेप्से) मा विभिन्न २ वटा कम्पनीको शेयरमूल्य समायोजन भएको छ । सबैको लघुवित्त वित्तीय संस्था लिमिटेड र स्वावलम्बन लघुवित्त वित्तीय संस्था लिमिटेडको बोनस शेयरमा मूल्य समायोजन गरिएको हो ।

स्वावलम्बन लघुवित्त वित्तीय संस्थाको १९ प्रतिशत बोनस शेयर पछि नेप्सेले प्रतिकित्ता एक हजार ६ सय ६५ रूपैयाँ कायम हुने गरी शेयरमूल्य समायोजन गरेको हो । नेप्सेले बुधबारको अन्तिम कारोबार मूल्य एक हजार ९ सय ८२ रुपैयाँका आधारमा मूल्य समायोजन गरेको हो ।

स्वावलम्बन लघुवित्त वित्तीय संस्था लिमिटेडको फागुन १७ गते, सोमबार बसेको सञ्चालक समितिको बैठकले गरेको निर्णय अनुसार संस्थाको उन्नाइसौँ वार्षिक साधारण सभा । चैत्र ११ गते, बुधबार, अम्रपाली ब्याङ्क्वेट, बालुवाटार, काठमाडौँमा बिहान ११ बजेदेखि सुरू हुनेछ ।

सभामा संस्थाको पौष ३ गते, शुक्रबार बसेको सञ्चालक समितिको बैठकले आर्थिक वर्ष २०७६/७७ को मुनाफाबाट संस्थाका शेयरधनीहरूलाई हाल कायम चुक्ता पुँजीको १९ प्रतिशत बोनस शेयर र १ प्रतिशत नगद (कर प्रयोजनका लागि) गरि कुल २० प्रतिशत लाभांश वितरण गर्ने प्रस्ताव पारित गरिनेछ ।

सबैको लघुवित्त वित्तीय संस्थाको १०.५० प्रतिशत बोनस शेयर पछि नेप्सेले प्रतिकित्ता एक हजार २ सय २९ रूपैयाँ कायम हुने गरी शेयरमूल्य समायोजन गरेको हो । नेप्सेले बुधबारको अन्तिम कारोबार मूल्य एक हजार ३ सय ५८ रुपैयाँका आधारमा मूल्य समायोजन गरेको हो ।

सबैको लघुवित्त वित्तीय संस्था लिमिटेडको चौथों वार्षिक साधारण सभा चैत्र १४ गते, शनिबार बन्दीपुरस्थित मस्र्याङ्दी रिभल भ्यु रिसोर्टमा बिहान ११ बजे सुरु हुनेछ ।

सभामा संचालक समितिले प्रस्ताव गरेबमोजिम गत आर्थिक वर्षका लागि १०.५० प्रतिशत बोनस शेयर र ०.५५ प्रतिशत नगद लाभांश (कर प्रयोजनार्थ) गरी कुल ११.०५ प्रतिशत लाभांश वितरण गर्ने प्रस्ताव पारित गरिनेछ ।