आजदेखि नेप्सेमा महिला लघुवित्तको शेयर कारोबार सुरू, प्रतिशेयरमूल्य ४ सय ३८ रुपैयाँ

३ चैत, काठमाडौं । चैत ३ गतेदेखि नेप्सेमा महिला लघुवित्तको शेयर कारोबार सुरु भएको छ ।

मंगलबार नेप्सेले कम्पनीको प्रतिकित्ता शेयरमूल्य ४ सय ३८ रुपैयाँ कायम गरेको हो।

सोमबार लघुवित्तले सर्वसाधारणलाई निष्काशन गरेको शेयरसहित १० लाख कित्ता शेयर नेप्सेमा सूचीकृत भएको थियो।

नेप्सेले लघुवित्तको शेयरलाई ३१३ रुपैयाँ १६ पैसा देखि ९३९ रुपैयाँ ४८ पैसा ओपनिङ्ग रेन्ज दिएको थियो। सोहि रेञ्जमा रहेर मंगलबार लघुवित्तको पहिलो शेयरमूल्य तोकिएको हो ।

मंगलबार ११ः ३० बजेसम्म कम्पनीको ३ लाख ८४ हजार कित्ता शेयर माग छ । भने बिक्री गर्ने भने कोही छैनन् ।