नेपाल लाइफ इन्स्योरेन्सको शेयर स्पिल्ट प्रक्रिया अघि बढ्यो

३ चैत, काठमाडौं । नेपाल लाइफ इन्स्योरेन्स कम्पनीले शेयर स्पिल्टका लागि प्रक्रिया अघि बढाएको छ । इन्स्योरेन्सले शेयर स्पिल्टका लागि प्रवन्ध पत्र नियमावली संसोधनको लागि कम्पनी रजिष्ट्रार कार्यालय पठाएको जनाएको छ।

हाल इन्स्योरेन्सको शेयरको प्रतिकित्ता मूल्य १०० रुपैयाँ रहेकोमा अब शेयर खण्डिकरण गर्ने भन्दै इन्स्योरेन्सले प्रबन्ध पत्र नियमावली संसोधनको लागि पठाएको हो।

कम्पनीको गत माघ २८ गते सम्पन्न २० औँ साधारण सभाले शेयर स्पिल्टको प्रस्ताव पारित गरेको थियो । कम्पनीले धेरै लगानीकर्ताहरुको पँहुच पुर्याउने उद्देश्यले शेयर स्पिल्ट गर्ने प्रस्ताव गरेको जनाएको छ ।

इन्स्योरेन्सले अहिले कायम १ सय रुपैयाँ अंकित मूल्यको शेयर लाइ दुई टुक्रा पार्ने जनाएको छ। यसले शेयरको प्रति कित्ता मूल्य १०० बाट घटेर ५० रुपैयाँ पुग्नेछ भने सेयर संख्या बढेर दोब्बर हुने छ ।