चलचित्र ‘ए साथी सुन’को छायांकनमा व्यस्त वर्षा

काठमाडौं । चलचित्र ‘ए साथी सुन’ को छायांकनमा नायिका वर्षा सिवाकोटी अहिले व्यस्त रहेकी छिन् । हेटौडामा सुरु भएको चलचित्र ‘ए साथी सुन’को छायांकनमा वर्षा जोडिएकी हुन् ।

वर्षाले सामाजिक संजालमा तस्वीर राख्दै चलचित्रको छायांकन सुरु भएको र आफू काम गर्न उत्साहित भएको बताएकी छिन् । राघव आचार्यको निर्देशनमा तयार हुने यो चलचित्रमा वर्षाले नव–कलाकार रमेश बाँनियासँग रोमान्स गर्दैछिन् । यो चलचित्रको छायांकन हेटौडापछि धरानमा हुनेछ ।

वर्षाले लकडाउनपछि चलचित्र ‘परदेशी २’को छायांकन पनि सकाएकी थिइन् । उनले अभिनय गरेका चलचित्रहरु ‘लक्का जवान, मनसँग मन र परदेशी २’ रिलिजको लागि तयार भएका छन् ।