बिहीबार थपिए १०७ जना कोरोना संक्रमित

५ चैत,काठमाडौं । बिहीबार नेपालमा थप १०७ जना कोरोना संक्रमित थपिएका छन्। स्वास्थ्य मन्त्रालयका अनुसार योसँगै देशभर कोरोना संक्रमितको कुल संख्या २ लाख ७५ हजार ६२५ पुगेको छ।

मन्त्रालयका अनुसार बिहीबार५२ जना कोरोना संक्रमित डिस्चार्ज भएका छन्। यससँगै हालसम्म डिस्चार्ज हुनेको संख्या २ लाख ७१ हजार ६१० पुगेको छ। हाल देशभर एक हजार जना सक्रिय संक्रमित रहेका छन्।

२४ घण्टामा थप एकजना कोरोना संक्रमितको मृत्यु भएको छ। हालसम्म कोरोनाबाट ज्यान गुमाउनेको संख्या ३ हजार १५ पुगेको छ।