शेयरबजारमा करिब साढे ६ लाख सक्रिय लगानीकर्ता, ८० प्रतिशतले गर्छन अनलाइनबाट कारोबार

६ चैत, काठमाडौं । दोस्रो बजार ‘नेपाल स्टक एक्सचेन्ज’मा ६ लाख २७ हजार सक्रिय लगानीकर्ता रहेका छन् । पछिल्लो एक महिनाको अवधिमा २७ हजार २५३ जना नयाँ लगानीकर्ता थपिएका छन् । नेपाल स्टक एक्सचेन्जका अनुसार शुक्रवारसम्ममा ६ लाख २७ हजार सक्रिय लगानीकर्ता रहेका छन् । ठिक एक महिना अगाडि दोस्रो बजारमा सक्रिय लगानीकर्ता ५ लाख ९५ हजार जना थिए । ‍

शुक्रवारसम्म कायम सक्रिय लगानीकर्ताहरु मध्ये झण्डै ८० प्रतिशतले अनलाइन कारोबारका लागि युजर नेम र पासवर्ड लिएका छन् । युजरनेम र पासवर्ड लिने लगानीकर्ताको संख्या ४ लाख ९९ हजार जना पुगेका छन् । यिनिहरु मध्ये २ लाख ४३ हजार जना दोस्रो बजारमा सक्रिय रहेको नेप्सेले जनाएको छ ।

ठिक एक महिना अगाडि अनलाइन कारोबारका लागि युजर नेम र पासवर्ड लिनेको संख्या तीन लाख ७६ हजार जना थिए । विगत एक वर्षदेखि दोस्रो बजारमा सुधार भैरहेको छ । बजारमा सुधार देखिए सँगै अनलाइन कारोबार गर्ने लगानीकर्ताको संख्या पनि बढिरहेको नेप्सेले जनाएको छ ।