यी हुन शेयरबजारमा उच्चमूल्य भएका कम्पनी, कुनको शेयरमूल्य कति ?

६ चैत, काठमाडौं । साताको अन्तिम कारोबार दिन बिहीबार नेप्से परिसूचक ४० दशमलव ४२ अंकले उकालो यात्रा तय गरेको छ । ४२ दशमलव ९५ अंकले वृद्धि हुँदै २४७५ दशमलव ०७ को विन्दुमा बन्द भएको हो । उकालो यात्रा तय गरेको बजारमा ४ अर्ब ६४ करोडको शेयर कारोवार भएको छ ।

बजारले उकालो यात्रा तय गर्दा कतिपय कम्पनीको शेयरमूल्य बढेको छ भने कतिपय कम्पनीको शेयरमूल्य आईपीओकै हाराहारीमा समेत झरेको छ । अधिकांश फाइनान्स कम्पनी, विकास बैंक र केही वाणिज्य बैंकहरुको शेयरमूल्य दुई सय रुपैयाँ भन्दा तल झरेको छ ।

यस्तो अवस्थामा सबैभन्दा महंगा भनिएका कम्पनीहरुको शेयरमूल्य समेत निकै तल झरेका छन् । शेयरबजारमा सूचीकृत दुई सय १३ कम्पनीमध्ये सबैभन्दा उच्चमूल्य भएको कम्पनी युनिलिभर नेपाल हो । जसको शेयरमूल्य अहिले १९ हजार ३५० रुपैयाँ छ । जबकी सबैभन्दा उच्च मूल्य हुँदा यो कम्पनीको शेयरमूल्य प्रतिकित्ता ३६ हजार रुपैयाँसम्म पुगेको थियो ।

यसैगरी दोस्रो उच्च मूल्य भएको कम्पनीमा राष्टिय बीमा कम्पनी रहेको छ । जसको शेयरमूल्य १५ हजार ९२५ रुपैयाँ छ । यो कम्पनीको शेयरमूल्य एक समयमा २२ हजार ८५० रुपैयाँसम्म पुगेको थियो । तेस्रो स्थानमा उच्च मूल्य रहेको साल्ट ट्रेड कम्पनी रहेको छ । कम्पनीको शेयरमूल्य १० हजार ६३० रुपैयाँ रहेको छ ।

त्यस्तै, चौथो नम्बरमा बोटलर्स नेपाल तराईको शेयरमूल्य प्रतिकित्ता ९ हजार १५ रुपैयाँ छ । यो कम्पनीको शेयरमूल्य पनि दश हजार रुपैयाँसम्म पुगेको थियो । उच्चमूल्य हुने १६ कम्पनीमा ८ लघुवित्त कम्पनी, ३ वटा माइक्रोफाइनान्स, तीन वटा उत्पादनमुलुक, दुई इन्स्योरेन्स तथा एक एक अन्य र उत्पादन समूहका कम्पनी रहेका छन् । शेयरबजारका सूचीकृत कम्पनीमध्ये दश १३ कम्पनीको शेयरमूल्य मात्रै प्रतिकित्ता दुई हजार माथि रहेको छ ।

यी हुन् २ हजार बढी प्रतिशेयर मुल्य भएका कम्पनी

शेयरबजारमा यूनीलिभर नेपाल कम्पनीकाे शेयरमूल्य १९ हजार ३५० रुपैयाँ रहेकाे छ । त्यस्तै, राष्ट्रिय बीमा कम्पनीको १५ हजार ९ सय १५, साल्ट ट्रेडिङको १० हजार ६सय ३०, बोटलर्स नेपाल तराईको ९ हजार १५, सिटिजन्स इन्भेष्टमेन्ट ट्रस्र्टको ४१२५, हिमालयन डिष्टिलरीको ४०७०, जनउत्थान उन्नति सहकार्य लघुवित्तको ३७९६, जनउत्थान लघुवित्तको ३७९६, नेशनल माइक्रोफाइनान्स २६००, लाइफ इन्स्योरेन्स कम्पनी नेपाल२२७१, महुली सामुदायिक लघुवित्त२५४१, नेपाल लाइफ इन्स्योरेन्सको २०३६ र फरवार्ड कम्यूनीटी माईक्रोफाइनान्सको १३३५ शेयरमूल्य रहेको छ ।