भारतमा संक्रमण बढ्न थालेपछि नेपालमा सतर्कता अपनाउन अनुरोध

८ चैत, काठमाडौं । नेपालमा कोरोना भाइरस संक्रमणको त्रास बढेको स्वास्थ्य तथा जनसंख्या मन्त्रालयले जनाएको छ । छिमेकी देश भारतमा पछिल्लो समय कोरोना भाइरस संक्रमण बढ्न थालेपछि मन्त्रालयले सतर्कता अपनाउन अनुरोध गरेको हो ।

आइतबार एक विज्ञप्ति सार्वजनिक गर्दै स्वास्थ्य मन्त्रालयका प्रवक्ता प्रा.डा. जागेश्वर गौतमले छिमेकी देश भारतमा देखिएको संक्रमणको त्रास नेपालमा पनि भएकाले सतर्कता अपनाउन अनुरोध गरेका हुन्। उनले सभा, जुलुस, र्‍याली, भेला, जमघट, गोष्ठी, सेमिनार, बैठक र भीडभाड नगर्न अनुरोध गरेका हुन् ।

सामाजिक र भौतिक दूरी कायम गर्न र अनिवार्य रुपमा मास्को प्रयोग गर्न भन्दै उनले कोरोना रोकथामका लागि जनस्वास्थ्यका मापदण्ड पालना गरेर रोकथाममा सहयोग गर्न अनुरोध गरेका हुन्।