रेशमको रिहाईको माग राख्दै राजधानीमा प्रदर्शन

९ चैत, काठमाडौं । टीकापुर हत्याकाण्डका अभियुक्त प्रमाणित भएका सांसद् रेशम चौधरीको रिहाईको माग राख्दै आज राजधानीमा धर्ना कार्यक्रमको आयोजना गरियो ।

राजधानीको माइतीघर मण्डेलामा थारु कल्याणकारी सभा, थरुहट– थारुवान संघर्ष समिति आन्दोलन परिचालन समितिको अगुवाईमा सो कार्यक्रम आयोजना गरिएको हो । धर्नामा सहभागीहरुले टीकापुर घटना राजनीतिक प्रकृतिको भएकाले सोही बमोजिम व्यावहार गरिनुपर्ने भन्दै तत्कालै रिहाईको माग गरेका छन् ।

सरकारले सीके राउत र विप्लव समूहसँग एकखाले व्यावहार र थरुहटसँग अर्कै व्याबहार गरेको भन्दै तत्कालै सच्याउन आग्रह गरेका छन् ।
नयाँ राजनीतिक परिवेशमा यो प्रकरण फेरि चर्चामा आएको छ । जनता समाजवादी पार्टीले प्रधानमन्त्री केपी ओलीदेखि प्रमुख प्रतिपक्षी नेपाली कांग्रेस र माओवादी केन्द्रलाई समेत सत्ता साझेदारीका लागि यो सर्त तेस्र्याएका छन् ।