शेरधन राईलाई राहत

११ चैत, विराटनगर । प्रदेश नं. १ का मुख्यमन्त्री शेरधन राईको पद अब भने सुरक्षित बनेको छ । उनीविरुद्ध दर्ता अविश्वासको प्रस्ताव फिर्ता गर्न झलनाथ–माधव समूह तयार भएपछि यस्तो परिस्थिति निर्माण भएको हो ।

आज बसेको एमाले संसदीय दलको बैठकमा झलनाथ – माधव समूहका दुई जना सांसद् सहभागी भई प्रस्ताव फिर्ता गर्न तयार भएको जानकारी गराएका थिए । अब एमाले भित्रको घरझगडा तत्कालका लागि साम्य भएको जस्तो देखिएको छ– सांसद् राजेन्द्र राईले भने । तर यो भनेको तत्कालका लागि मात्र हो ।

हाम्रा मुद्धा यथावत् छन् ,केन्द्रमा कस्तो रणनीति बन्छ त्यस्तै नीति आफूहरुले पनि अख्तियार गर्ने उनले बताए । फागुन २३ गते एमाले ब्यूँतिएपछि समीकरणसमेत फेरिएको छ । अब भने राई नेतृत्वको सरकार तत्कालका लागि खतरामुक्त छ । प्रदेश सभामा एमालेको वहुमत छ ।