चलचित्र ‘बिहे पास’ को छायांकन शुरु

काठमाडौं । नायक दयाहाङ राई र नायिका प्रकृती श्रेष्ठको मुख्य भूमिका रहेको चलचित्र ‘बिहे पास’को छायांकन शुरु भएको छ । विराटनगरको एक मन्दिरमा पुजा गर्दै चलचित्रको छायांकन शुरु गरिएको हो ।

अष्ट्रेलिया पुगेकी प्रकृती चलचित्रमा काम गर्नकै लागि नेपाल आएकी छिन् । उनले ६ बर्षपछि चलचित्रमा काम गर्न लागेकी हुन् । रोहित कट्टेलको प्रस्तुतिमा तयार हुने यो चलचित्रका कार्यकारी निर्माता रत्न श्रेष्ठ र सह–निर्माता ग्याल्जेन लामा हुन् । चलचित्रमा आकाश बराल, सजन काफ्ले र मर्रे केरको लेखन रहेको छ ।

कोरोना संक्रमण बढेसंगै नेपाली चलचित्रको रिलिज मिति बारम्बार पछि सरिरहेको छ । तर पनि चलचित्र निर्माताले भने चलचित्र निर्माण गरिरहेका छन् ।