एउटै गीतमा देखिए पुष्प, वर्षा, आँचल र सागर

काठमाडौं । बजारमा ‘माया गरौंला–२, ब्रेकअप गरौंला’ सार्वजनिक भएको छ । गीतमा गायिका समिक्षा अधिकारी र गायक किरण भुजेलको स्वर दिएका छन् । गीतमा कृष्ण भारद्धाजको संगीत, तिलकप्रताप चन्दको शब्द छ ।

६ महिना अगाडि सार्वजनिक भएको ‘माया गरौंला’ हिट भएपछि त्यसकै रुपमा ‘माया गरौंला–२’ सार्वजनिक भएको हो । उक्त गीतको भिडियोमा पुष्प खड्का, वर्षा राउत, आँचल शर्मा, सागर लम्साल लगायतका कलाकारको अभिनय छ । सरोज वलीको निर्देशनमा तयार भएको यो भिडियोलाई विक्रम स्वाँरले कोरियोग्राफी गरेका हुन् ।