सर्वोच्च अदालत पुगे प्रचण्ड

१७ चैत, काठमाडौं । नेकपा माओवादी केन्द्रका अध्यक्ष पुष्प कमल दाहाल ‘प्रचण्ड’ नेकपा नाम ऋषि कट्टेललाई दिँदै नेकपा एमाले र माओवादी केन्द्र ब्युँताउने सर्वोच्च अदालतले फागुन २३  फैसलाविरुद्ध पुनरावलोकनको निवेदन दर्ता सर्वोच्च अदालतमा पुगेका छन् ।

अध्यक्ष  प्रचण्ड  नारायणकाजी श्रेष्ठ, कृष्णबहादुर महरा, गिरिराजमणि पोखरेल, जनार्दन शर्मा, शक्ति बस्नेत लगायतका नेताहरु  र कानुन व्यवसायीसहित पुनरावलोकनको निवेदन दिन भर्खरै अदालत पुगेका हुन ।

‘सर्वोच्चको फैसलाउपर पुनरावकलोमा जानुपर्ने कानुन व्यवसायीले सुझाब अनुसार अध्यक्ष ‘प्रचण्ड सहित केही नेता र कानून व्यवसायी र नेताहरू फैसला उपर निवेदन दर्ता गर्दै छन् । फागुन २३ गते न्यायाधीशहरू कुमार रेग्मी र बमकुमार श्रेष्ठको इजलासले एमाले र माओवादी केन्द्र ब्युँताएको थियो ।

सर्वोच्चको आदेशमा दुई पार्टीबीचको एकीकरणलाई अवैधानिक करार गर्दै एकीकरण गर्ने भए १५ दिनभित्र निर्वाचन आयोगमा निवेदन दर्ता गर्न भनिएको थियो ।

यसअघि माओवादी केन्द्रको स्थायी कमिटी बैठकमा सांसद रामनारायण बिडारी, वरिष्ठ अधिवक्ता शम्भु थापा, नेपाल बारका अध्यक्ष चण्डेश्वर श्रेष्ठ, दिनमणि पोखरेल, मुक्ति प्रधानलगायतका कानुन व्यवसायीले सर्वोच्चको फैसलाउपर पुनरावकलोमा जान सुझाव दिएपछि माओवादी केन्द्रले पुनरावकलोमा जाने निर्णय गरेको थियो ।