चलचित्र ‘सुदुर’ का लागि गरिमालाई अफर

काठमाडौं । चलचित्र ‘सुदुर’का लागि निर्माण पक्षले मोडल गरिमा शर्मालाई अफर गरेको छ । यसअघि उक्त चलचित्रमा नायिका वर्षा सिवाकोटीले चलचित्रमा काम गर्ने पक्का गरेकी थिइन् । तर चलचित्रको छायांकन सुरु हुन लामो समय लागेपछि वर्षाले नयाँ चलचित्रलाई समय दिनुपर्ने भन्दै ‘सुदुर’ छाडेकी थिईन् ।

निर्देशक रमेश वुढाथोकीको निर्देशनमा बन्न लागेको चलचित्र ‘सुदुर’ मा नायकका लागि पुष्प खड्कालाई अफर गरिएको छ । तर पुष्पले पनि चलचित्रमा काम गर्ने पक्का भएको छैन् ।

वर्षाले छाडेपछि चलचित्रका लागि निर्माणपक्षले नायिकाका लागि मोडल रेश्मा घिमिरेलाई अफर गरेको थियो । तर रेश्माले पनि काम नगर्ने भएपछि अहिले चलचित्रका लागि टिकटकबाट उदाएकी मोडल गरिमा शर्मालाई अफर गरेको छ ।

रमेश वुढाथोकीको निर्देशनमा तयार हुने यो चलचित्रको छायांकन जुम्लामा गरिदै छ । निमार्णपक्षले चलचित्रका लागि कलाकार फाइनल गर्न नसक्दा चलचित्रको छायांकन भने शुरु हुन सकेको छैन् ।