संसदमा बडुको प्रश्न : प्रधानमन्त्रीलाई शुरक्षा खतरा भएको हो ?

१८ चैत, काठमाडौं । केही समयअगाडि प्रधानमन्त्री ओलीले आफूमाथि गम्भीर सुरक्षा खतरा रहेको र कुनै पनि बेला भौतिक आक्रमण हुन सक्ने अभिव्यक्ति दिएको भन्दै नेपाली कांग्रेसका सांसद दिलेन्द्र बडुले संसदमा प्रधानमन्त्री नआउनुले प्रधानमन्त्रीमाथि शुरक्षा खतरा भएकै हो त  भनि प्रश्न गरेका छन् ।

‘संसद चलिरहँदा पनि आजसम्म प्रधानमन्त्री यस संसदभित्र नदेखिनुको कारण उहाँमाथि रहेको सुरक्षा खतरा नै हो? अथवा नैतिक खतरा पनि उहाँ महशुस गरिरहनुभएको हो ?’ बैठकमा सांसद बडुले प्रश्न गरे।   संसद बडुले यसबारे गृहमन्त्री वा सरकारका प्रवक्ताले संसदमा जानकारी गराउनुपर्ने माग समेत गरेका छन्।

सुरक्षा खतरा छैन भने नेपालको सुरक्षा व्यवस्था र क्षमतामाथि प्रश्न उठ्ने गरी बनावटी अभिव्यक्ति किन प्रधानमन्त्रीले दिएको भन्ने प्रश्न पनि उनले राखेका छन्। यसबारे यथाशीघ्र प्रधानमन्त्री वा गृहमन्त्री तथा सरकारका प्रवक्ताले संसदमा स्पष्टीकरण दिनुपर्ने माग सांसद बडुको छ ।