भूषाल र पाण्डे निलम्बित

१९ चैत, काठमाडौं ।  नेकपा एमालेले थप दुई जना नेताहरुलाई कारबाही गरेको छ । पार्टीले आज उपमहासचिव घनश्याम भूषाल र स्थायी कमिटी सदस्य सुरेन्द्र पाण्डलेलाई पनि ६ महिनाका लागि पार्टीबाट निलम्बन गरेको छ ।

प्रधानमन्त्री केपी ओलीका प्रेस सल्लाहकार सूर्य थापाले यसको पुष्टी गरेका छन् । उनले आफ्नो फेसबुक स्टाटसमा यस्तो जानकारी दिएका हुन् । यसअघि पनि नेताहरु माधवकुमार नेपाल र भीम रावललाई यस्तै कारबाही गरेको थियो । त्यतिबेला  नेपाल र रावललाई निलम्बनको निर्णय गर्दा भुषाल र पाण्डेलाई कारवाहि गरिएको थिएन ।

फेरि उनीहरूमाथि दोस्रोपटक स्पष्टीकरण सोधिएको थियो । त्यसको जवाफ उनीहरूले दिएका थिए । तर, स्पष्टीकरण चित्तबुझ्दो नभएको र सुध्रिने लक्षण नदेखिएको भन्दै उनलाइ कारवाही गरिएको हाे । अहिलेकै गतिविधि जारी रहेको खण्डमा थप कडा कारवाही हुन सक्ने र नेताद्वयलाई सच्चिनका लागि यो अन्तिम मौका भएको ओलीद्वारा हस्ताक्षरित पत्रमा उल्लेख छ ।