मलाई सोध्न बन्द गर्नुस, हो म प्रेगनेन्ट भएकी हुँ : प्रियंका कार्की

अभिनेत्री प्रियंका कार्की आमा बन्ने भएकी छन् । उनले सामाजिक सञ्जाल मार्फत आफु गर्भवती भएको खुलासा गरेकी हुन् । होलीको समयमा खिचिएको एक तस्वीरमा कार्की गर्भवती भएको अनुमान गरिएको थियो ।

उनी आफैले सामाजिक सञ्जाल मार्फत आफु गर्भवती भएको जानकारी गराएपछि उनी आमा बन्न लागेको पुष्टि भएको हो । पति आयुष्मानसँग खिचाएको गर्भवती भएको तस्विर उनले फेसबुक र इन्स्टाग्राममार्फत सार्वजनिक गर्दै ‘मलाई सोध्न बन्द गर्नूस । हो म प्रेगनेन्ट भएकी हुँ,’ भनेर लेखेकी छन् । आयुष्मान र कार्कीले २०२० को फेब्रुअरी २८ मा विवाह गरेका थिए ।

अभिनेत्री कार्कीले पति आयुष्मान देशराज जोशीसँगै गर्भवती भएको तस्बिर सार्वजनिक गरेकी हुन् । इन्स्टाग्राममा राखिएको तस्विरसँगै अभिनेत्री कार्कीले लेखेकी छिन्, ‘तपाईंहरुले अब सोध्न रोक्न सक्नुहुन्छ, हामी गर्भवती छौं ।’