समर्थन फिर्ता गरे राजीनामा आउछ : ओली  

२१ चैत, काठमाडौं । प्रधानमन्त्री केपी ओलीले सरकारलाई दिएको समर्थन फिर्ता गरे आफूले राजीनामा दिने बताएका छन्। शनिबार निर्वाचन क्षेत्र रणनीतिक सडक कार्यक्रम अन्तर्गत १६५ सडक निर्माण कार्यक्रमको शुभारम्भ कार्यक्रममा प्रधानमन्त्री ओलीले समर्थन फिर्ता गरे आफ्नो राजीनामा आउने बताएका हुन ।

‘प्रधानमन्त्रीको राजीनामा आज मागिएको होइन्, मागिएको मागिएइ छ त । मागैपच्छिे म कसरी दिनसक्छु ? एउटाले माग्दैन, एकदिन माग्दैन, दुईदिन माग्दैन, माग्या छ माग्या छ’, उनले भने, ‘ए बाबा, हटाउ न त । समर्थन फिर्ता लिइदेउ भन्छु त्यो पनि लिँदैनन् । अनि राजीनामा माग्छन् । राजीनामा त आइहाल्छ नि समर्थन फिर्ता गर न ।’ प्रधानमन्त्री ओलीले भने ।

उनले आफ्नो राजीनामा अहिले मात्रै नभएर पटकपटक मागिँदै आएको बताउँदै उनले मागपिच्छे आफूले राजीनामा दिन नसक्ने बताए । उनले समर्थन फिर्ता पनि नगर्ने राजीनामा पनि माग्न नछाड्ने काम चलिरहेको प्रति आक्रोश ब्यक्त गर्दै मिडियाले पनि मेलम्चीको पानीभन्दा प्रधानमन्त्रीको राजीनामालाई महत्व दिएको बताए ।