मन्त्री साहको नाम बेच्दै असईले तस्करी लाइन खुलाए
नेपालबहस संवाददाता
चैत २१, २०७७ आइतबार २:४८:२४
२१ चैत, बीरगञ्ज । पर्साको मिर्जापुर प्रहरी चौकीका प्रमुख प्रहरी सहायक निरीक्षक (असई) सत्यनारायण साहले मिर्जापुर र भलुवहीया नाकाबाट तस्करी खुल्ला गरेको खबर छ । असई साहले तस्करी गराई रहेको विषयको जानकारी प्रहरी उपरीक्षक बेलबहादुर पाण्डे समक्ष गत बुधबार नै जानकारी भैसकेको छ ।
एसपी पाण्डेले जानकारी पाएपछि उनले जिल्लाको एक यूनिटलाई पठाई मिर्जापुर चौकीको एरियामा निगरानी बढाइरहेको जानकारी प्राप्त भएको छ । बुधवार जिल्लाको टोली आएको खबर असई साहलाई प्राप्त भएपछि सो दिन तस्करी अवरुद्ध भएको थियो । तर फेरि बिहीबार राती तस्करहरुले गिटी पास गराउँछन भने सूचना पाएपछि जिल्लाको टोली आई बिहान शुक्रबार २.४० सम्म खटेको र त्यो टोली गई सकेपश्चात असई साहले फेरी लाईन दिएर १२/१४ वटा गिटीको लोड ट्रेक्टर ३.३० मा पास गराएको खबर छ ।
असई साहले प्रति ट्रेक्टर गिटी १ हजार , प्रति भैसी १ हजार, प्रति रागा ४ सय र डिजेल पेट्रोल तस्करसँग प्रति तस्कर २५ सयको दरले लिई लाईन दिने गरेको बताइएको छ । त्यतिमात्र होइन असई साहले मिर्जापुरमा अहिले ५ जना भट्टी साहुसँग ४ /४ हजार रुपैयाँ महिनाबारी बुझी ५ वटा घरेलु चुवाई रक्सी भट्टी संचालन गराइरहेका छन । असई साहको एरिया मिर्जापुरमा भट्टी संचालनमा रहेको र महिनाबारी बुझ्ने गरेको खबर पनि पर्साका एसपीसम्म पुगिसकेको सूचना प्राप्त हुन आएको छ ।
असई साहलाई पर्साका एसपीले तस्करी रोक्न निर्देशन दिएपनि उक्त निर्देशन अटेरी गरी कसको दम्भमा तस्करी गराउँदैछन् भन्ने प्रश्न उठेको छ । रौतहट घर भएका असई साहका नाता पर्ने मन्त्री प्रभु साहको नाम भजाउँदै धाक देखाउँदै उनले तस्करी खुल्ला गरेको बताइउको छ । यति मात्रै हैन, उनले तस्करसँग कुरा गर्दै आफू मन्त्री साहको मान्छे हो र उनकै पावर लगाएर यहाँ आएको र आफुलाई कसैले केही पनि गर्न नसक्ने बताउँने गरेका एक तस्करले नाम नछाप्ने शर्तमा बताए ।
ती असईले नै राती गस्ती गरेर गिटीको ट्रेक्टर पास गराउने गरेको स्वयं त्यहाँका एक तस्करले दावी गरेका छन् । मिर्जापुर चौकीका इन्चार्ज साहको यस्तै रवैयाका कारण चौकीका कुनै पनि प्रहरीसँग राम्रो तालमेल नरहेको त्यहाँका एकजना प्रहरी जवानले नाम नराख्ने सर्तमा बताएका छन् । जनताको शान्ति सुरक्षामा खट्ने प्रहरी नै तस्करहरुसँग सेटिङ गरेर ‘कमाउ धन्दा’मा लागेको देखेर स्थानीय वाक्क भएका छन् भने यसले प्रहरीको प्रतिष्ठामा समेत कालो धब्बा लगाउने काम भएको छ ।
जिल्ला प्रहरी कार्यालय पर्साका प्रमुख प्रहरी उपरीक्षक बेलबहादुर पाण्डे आएको दिनदेखि नै शान्ति सुरक्षादेखि लिएर चोरी तस्करीको सँजाल तोड्न लागेका थिए । सबै मातहतको यूनिटलाई अवैध गतिविधि नियन्त्रण गर्ने निर्देशन दिएपनि मिर्जापुर चौकीका इन्चार्ज साहले आदेशको उल्लङ्घन गर्दै तस्करी गराउन सफल भएका छन । प्रहरी उपरीक्षक पाण्डेको आदेशलाई धज्जी उडाउने यस्ता गैरजिम्मेवार व्यक्तिहरुले गर्दा पूरै प्रहरी सङ्गठन नै बदनाम हुँदै आएको छ । जसमाथि माथिल्लो निकायको ध्यान जान अति अवाश्यक देखिन्छ ।
जिल्ला प्रहरी कार्यालय पर्साका एसपी पाण्डेले पर्साको शान्ति सुव्यवस्थादेखि लिएर विभिन्न अवैध गतिविधि रोक्न एक हदसम्म सफल भएपनि यस्ता गैरजिम्मेवार इन्चार्जहरुको कारणले गर्दा पूरै पर्सा प्रहरी नै बदनाम हुँदै आएको छ । अब हेर्न बाँकी छ कि एसपी पाण्डेले उनीमाथि के कस्तो कार्वाही गर्लान कि गर्दैन ?
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदिल्ली बसेर अमेरिका र क्यानडा पठाउँछु भन्दै मानव तस्करी गर्ने गिरोहले ७ करोड ५० लाख ठगे
बैशाख ३१, २०८१ सोमबार
सुन तस्करी सम्बन्धी गृहले बनाएको समितिको जिष्ट प्रतिवेदन,१० जनालाई कारबाही गर्न सुझाव
बैशाख २५, २०८१ मंगलबार
झापाबाट ३८ लाखभन्दा बढीको लत्ताकपडा बरामद
बैशाख १९, २०८१ बुधबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
झापाबाट १० महिनामा ३ सय ७२ लागुऔषध कारोबारी पक्राउ
जेठ ५, २०८१ शनिबार
मूर्तिकला व्यवसायबाट मनग्य आम्दानी
जेठ ५, २०८१ शनिबार
बालिकालाई करणी गरेको अभियोगमा ६१ वर्षीय वृद्ध पक्राउ
जेठ ५, २०८१ शनिबार
अमेरिकाले समुद्री मार्गबाट सहायताको पहिलो खेप पुर्याएको पुष्टि
जेठ ५, २०८१ शनिबार