१८ निर्जीवन बीमा कम्पनी: नौ गरे लाभांश घोषणा, बाँकीको कहिले ?

२४ चैत, काठमाडौं । १८ निर्जीवन बीमा कम्पनी मध्येका ९ कम्पनीले गत आर्थिक वर्षको मुनाफाबाट शेयरधनीलाई लाभांश घोषणा गरेका छन् । नेप्सेमा सूचिकृत भएका विभिन्न निर्जीवन बीमा कम्पनी मध्येका ९ वटा कम्पनीहरूले मात्र यतिबेला शेयरधनीहरूलाई लाभांशको घोषणा छन् ।

हालसम्म ९ वटा कम्पनीले मात्र लाभांश घोषणा गरेका छन् भने बाँकी कम्पनीहरूले लाभांश घोषणा गर्न बाँकी नै छ ।

९ वटा निर्जीवन बीमा कम्पनीहरूमध्ये सबैभन्दा धेरै लाभांश दिनेमा शिखर इन्स्योरेन्स कम्पनी लिमिटेड रहेको छ भने सबैभन्दा कम दिनेमा हिमालयन जनरल इन्स्योरेन्स कम्पनी लिमिटेड रहेको छ ।

लाभांश घोषणा गर्न बाँकी कम्पनी

नेको इन्स्योरेन्स कम्पनी लिमिटेड, सगरमाथा इन्स्योरेन्स कम्पनी लिमिटेड, युनाईटेड इन्स्योरेन्स कम्पनी लिमिटेड, राष्ट्रिय बीमा कम्पनी लिमिटेड, लुम्बिनी जनरल इन्स्योरेन्स कम्पनी लिमिटेड, एनएलजी इन्स्योरेन्स कम्पनी लिमिटेड, अजोड इन्स्योरेन्स कम्पनी लिमिटेड, सानिमा जनरल इन्स्योरेन्स कम्पनी लिमिटेड र जनरल इन्स्योरेन्स कम्पनी लिमिटेडको लाभांश घोषणा हुन अझै बाँकी नै छ ।

तर अजोड इन्स्योरेन्स कम्पनी लिमिटेडले भने यसअघि नै लाभांश घोषणा नगर्ने घोषणा गरिसकेको छ । यसरी हेर्दा अब अजोडबाहेक बाँकी ८ वटा कम्पनीको लाभांश आउन बाँकी छ ।