चलचित्र ‘विवेक’ मा विपिन कार्की

२५ चैत,काठमाडौं । चलचित्र ‘विवेक’ मा विपिन कार्की शिर्ष भूमिकामा देखिदैछन् । निर्माता माधव वाग्लेले बनाउन लागेको उक्त चलचित्रमा नायिकाको रुपमा स्वस्तिमा खड्का देखिने भएकी छिन् ।

वाग्लेले यसअघि चलचित्र ‘पारस’ बनाउने घोषणा गरे पनि उक्त चलचित्रबाट हात झिकिसकेका छन् । त्यस्तै माधवले चलचित्र ‘हिमानी’ बनाउने घोषणा गरेका थिए । चलचित्रको स्क्रिप्टको ड्राफ्ट तयार गर्दैगर्दा उनले ‘विवेक’ नामक चलचित्र बनाउने घोषणा गरेका छन् ।

चलचित्रमा तराई क्षेत्रको कथालाई समेटिएको निर्माणपक्षले जनाएको छ । त्यसैले कलाकार पनि तराई क्षेत्रबाटै खोजिने भएको छ । त्यसका लागि चैत्र २८ गते प्रदेश नम्बर २ मा अडिसन गर्ने तयारी निमांण पक्षले गरेको छ । चलचित्रको छायांकन पनि तराइको विभिन्न क्षेत्रमा हुने जनाएको छ ।