देउवाकै गृह जिल्लामा प्रेस युनियन पराजित

२६ चैत, अमरगढी । देशैभरि कांग्रेस निकट प्रेस युनियनले नेतृत्व गरेको लोकतान्त्रिक वाम गठबन्धनले अग्रता लिइरहेको बेला कांग्रेस सभापति शेरबहादुर देउवाको गृह जिल्लामा भने पराजय भोगेको छ ।

हिजो भएको मतदानमा एमालेको ओली खेमाका उमेदवार हिक्मत सिंह जिल्ला सभापतिमा निर्वाचित भएका छन् । देउवा आफैं पनि ओली निकट प्रेस चौतारीसँगै गठबन्धन गराउन चाहन्थे । तर वहुमत भने विरोधमा उभिएपछि माओवादी निकट प्रेस सेन्टर र माधवकुमार नेपाल निकट प्रेस चौतारीसँग युनियनले गठबन्धन बनाएको हो ।

युनियनका उमेदवार बरुण पनेरुलाई हराएर सिंह जिल्ला सभापति निर्वाचित भएका हुन् । यहाँ प्रेस युनियन विरुद्ध प्रेस चौतारी र प्रेस सेन्टरको गठबन्धन बनेको थियो ।