नेपाल निर्जीवन बीमा कम्पनीको मुनाफा घट्यो, नेटवर्थ कति ?

२७ चैत, काठमाडौं । पुनर्बीमा कम्पनीको मुनाफा घटेको छ। दोस्रो त्रैमाससम्म पुनर्बीमा कम्पनीको मुनाफा १३.८६ प्रतिशतले घटेको हो।

कम्पनीले शुक्रबार वित्तीय विवरण सार्वजनिक गर्दै निर्जीवन बीमातर्फको नाफा १९.३४ प्रतिशतले घटेको जनाएको छ। जबकी जीवन बीमातर्फको मुनाफा ३७.४७ प्रतिशतले बढेको छ। कम्पनीकाे  मुनाफा ६२ करोड ३३ लाख रुपैयाँबाट घटेर ५३ करोड ६९ लाख रुपैयाँमा सीमित भएको हो।

निर्जीवनतिरको नाफा ५६ करोड ३२ लाखबाट ४५ करोड ४३ लाख रुपैयाँमा झरेको छ। जीवन बीमातिरको भने ६ करोडबाट ८ करोड २६ लाख रुपैयाँमा उक्लिएको छ।

कम्पनीको प्रति शेयर आम्दानी १०.७४ रुपैयाँ छ। मूल्य आम्दानी अनुपात ७८.९७ गुणा छ भने प्रति शेयर नेटवर्थ १५५ रुपैयाँ छ। प्रतिशेयर कुल सम्पत्तिको मूल्य २७० रुपैयाँ छ।