बलिउड अभिनेत्री कटरिना कैफ कोरोना संक्रमित

बलिउड अभिनेत्री कटरिना कैफ कोरोना संक्रमित भएकी छन्। उनले सामाजिक सञ्जालमार्फत आफू कोरोना संक्रमित भएको जानकारी दिएकी छन्। उनले आफू संक्रमित भएको र घरमै आइसोलेसनमा भएको बताएकी छन्।

उनले पछिल्ला दिनहरुमा आफ्नो सम्पर्कमा आउनेहरुलाई सचेत रहन आग्रहसमेत गरेकी छन्। केही दिनअघि बलिउड अभिनेता अक्षय कुमार पनि कोरोना संक्रमित भएका थिए।

भारतमा हाल कोरोना संक्रमणको दोस्रो लहर तिब्ररुपमा बढिरहेको छ। त्यस मध्ये पनि महाराष्ट्र सबैभन्दा धेरै प्रभावित बनेको छ।