चर्चामा ‘ह्वीस्की कि रम ?

२७ चैत, काठमाडौं ।  विदेशमा रहेका चलचित्रकर्मीहरु यतिवेला छोटा चलचित्र निर्माणमा सक्रिय भएका छन् ।  निर्माण तथा निर्देशनको तृष्णा पनि मेटीने र दर्शकसम्म पुग्ने बाटोको रुपमा पछिल्ले समय सर्टफिल्म निर्माणतर्फ आकर्षण बढेको हो ।

यसै बीच पछिल्लो अष्ट्रेलियामा बसोबास गर्दै आएका नेपाली कलाकारहरुले सार्वजनिक गरेको ‘ह्वीस्की कि रम ? सर्टफिल्मले चर्चा बटुलेको छ ।

उक्त चलचित्र केहि अघिमात्र ‘नेपाल इनफोकस’ युट्युव मार्फत सार्वजनिक गरिएको थियो । चलचित्रलाई केशव पाण्डेले लेखन र निर्देशन गरेका हुन् ।

श्रीराम अर्यालको सिनेमाटोग्राफी रहेको चलचित्र शान्त डी गजुरेलले सम्पादन गरेका हुन् । अग्रज के सी, सुनोद श्रेष्ठ र सुनिल श्रेष्ठ लगायतका कलाकारहरुको अभिनय रहेको चलचित्र रिलिज पछि राम्रो प्रतिकृया पाइरहेको निर्देशक केशव पाण्डेले जनाएका छन् ।

कोरोना महामारीका कारण पछिल्लो समय हलहरुमा चलचित्र रिलिज हुन सकेका छैनन् । पछिल्ला दिनहरुमा राम्रा र ठूला ब्यानरहरुबाट निर्मित चलचित्रहरु समेत अनलाइन प्लेटफर्मबाट रिलिज हुदै आएका छन् ।