पूर्वराजा ज्ञानेन्द्र भन्छन्, वाह्य दवावमा सांस्कृतिक अतिक्रमण भयो

२९ चैत, काठमाडौं । पूर्वराजा ज्ञानेन्द्र शाहले  वाह्य दवाव, प्रभावमा सांस्कृतिक अतिक्रमण भएको बताएका छन् । भारतको हरिद्धारमा भइरहेको कुम्भमेलामा संवोधन गर्दै पूर्व राजा ज्ञानेन्द्रले कतिपय बाह्य दवाव र प्रलोभनले सांस्कृतिक अतिक्रमण भएको र त्यसले पूर्वीय दर्शन, हाम्रो सनातनीय संस्कारमा ह्रास आएको बताएका हुन ।

“वाह्य दवाव र प्रभावले हाम्रो संस्कारमा ह्रास आएको छ । हामीले धर्म बचाउनु छ, हाम्रो संस्कृतिको रक्षा गर्नु छ, हाम्रा मठमन्दिर, देवस्थल र धामहरूको विकास गर्नु छ,’ संवोधनको क्रममा पूर्व राजा शाहाले भनेका छन् ।

पूर्वराजा शाहले भगवान रामको भनाइ स्मरण गर्दै ‘अपि स्वर्र्ण मणि लंका न मे लक्ष्मण रोचति, जननी जन्मभूमिश्च स्वर्गादपि गरियसी’ भन्ने सत्युक्तिको ख्याल हामीले राख्नै पर्ने धारणा राखे । पूर्वराजारानी कुभ्म मेलामा विशेष अतिथिका रुपमा सहभागि हुन गत बिहीबार भारतको हरिद्धार गएका थिए ।