आजबाट भेरोसेल खोप ४० देखि ५९ वर्षसम्मका नागरिकलाई दिइने

३१ चैत, काठमाडौं । सरकारले मंगलबारदेखि चिनियाँ खोप ४० देखि ५९ वर्ष उमेर समूहलाई दिइँदै छ । चीन ल्याएको कोरोनाविरुद्धको भेरोसेल खोप ४० देखि ५९ वर्षसम्मका नागरिकलाई आजबाट दिन लागेको हो ।

यो खोप आज ३१ चैत २०७७ देखि ५ वैशाख २०७८ सम्म खोप दिइने स्वास्थ्य मन्त्रालयले जनाएको छ । यसअघि सरकारले २५ चैतदेखि केही निश्चित समूहका व्यक्तिका लागि मात्रै यो खोप उपलव्ध गराएको थियो । त्यसबेला १८ देखि ५९ वर्ष उमेर समूहका व्यक्ति छानिएको थियो ।

चीन सरकारले अनुदानमा दिएको आठ लाख डोज खोप नेपाल सरकारले चैत १६ गते काठमाडौं ल्याएको थियो । सो खोप २३ वटा केन्द्रबाट दिन लागिएको छ ।