चलचित्र ‘डाँडाको बर पीपल’ मा सलोनसँग रोमान्स गर्दै रुविना

काठमाडौं । चलचित्र ‘डाँडाको बर पीपल’ मा नायिका रुविना थापा देखिने भएकी छिन् । चलचित्रमा रुविनाले नायक सलोन बस्नेतसँग रोमान्स गर्दैछिन् । शोभित बस्नेतको निर्देशनमा बन्न लागेको चलचित्र बुढासुब्बा ओरिजिनलले चलचित्र निर्माण गर्न लागेको हो ।

चलचित्रको छायांकन वैशाखको २२ गतेबाट सुरु हुँदैछ । पारिवारिक कथामा बन्न लागेको यो चलचित्रमा सुशान्त प्रजापतिको छायांकन, रामकाजी घिमिरेको लेखन, शिव मुखिया र अर्जुन पोखरेलको संगीत, रोशन श्रेष्ठको एक्सन, गोविन्द राइको नृत्य निर्देशन रहनेछ । यो चलचित्रको छायांकन ७५ दिनसम्म चल्नेछ । चलचित्रलाई काठमाडौं, कालाबाङ, शे फोक्सुन्डो लगायतका स्थानमा खिचिने निर्माणपक्षले बताएको छ ।

चलचित्रमा शिव श्रेष्ठ, गौरी मल्लको पनि मुख्य भूमिका रहनेछ । चलचित्र ‘लभ डायरीज’ मार्फत नेपाली चलचित्र क्षेत्रमा प्रवेश गरेकी नायिका रुविनाको उक्त चलचित्र बक्स अफिसमा चलेको थिएन ।