भैँसी एक्कासी उफ्रिएपछि वृद्धाको मृत्यु

३१ चैत, सप्तरी । सप्तरीमा एक्कासी भैँसी उफ्रिएपछि वृद्धाको मृत्यु भएको छ । जिल्ला प्रहरी कार्यालयका अनुसार भैंसी बाँधेको डोरीमा अल्झिएर एकजना वृद्धाको मृत्यु भएको हो । ।

मृत्यु हुनेमा बलान बिहुल गाउँपालिका वडा-३ महुवा बस्ने ७० वर्षीया जयाबतीदेवी मण्डल रहेकी छिन् । उनी खेतमा भैंसी चराउन जाँदा एक्कासी भैँसी उफ्रिएपछि डोरी मण्डलको दाँया हातमा अल्झिएको थियो ।

सोही क्रममा भैंसीले घिसार्दा उनको टाउको, अनुहारसहित शरीरको विभिन्‍न भागमा चोट लागेर गम्भीर घाइते भएकी थिइन् । उनलाई उपचारका लागि लैजाँदै गर्दा बाटोमै मृत्यु भएको प्रहरीले जनाएको छ ।

मृतकको शवलाई पोष्टमार्टमका लागि सिरहाको लहान अस्पताल पठाइएको प्रहरीले जनाएको छ ।