गोङ्गबु बसपार्कका टिकट काउन्टर बन्द

१ बैशाख, काठमाडौं । नयाँ बसपार्क टिकट काउण्टर आजदेखि केहि दिनकालागि बन्द गरिएको छ । बसपार्कका टिकट काउण्टरलाई अन्तर्राष्ट्रियस्तरको टिकट काउण्टरमा सञ्चालन गर्नका लागि आवश्यक पूर्वाधार निर्माण गर्नुपर्ने भएकाले अहिले सञ्चालन हुँदै आएका काउण्टर बन्द गर्नु परेको हो । काउन्टर केही समय पुन: सचालनमा आउने छ ।

बसपार्कका काउण्टरलाई अन्तर्राष्ट्रिय मापदण्डबाट सञ्चालन गर्नका लागि टिकट काउण्टर केही दिनका लागि बन्द गरिएको नयाँ बसपार्क सञ्चालन गरेको ल्होत्से बहुउद्देश्यीय प्रालिका महाप्रबन्धक सुनिल कुँवरले जानकारी दिए ।

यो यात्रुको सहजताका लागि कम्प्युटर प्रणालीको माध्यमबाट अनलाईन टिकट काट्ने व्यवस्था मिलाएको छ । प्रालिले सरकारले लिएको नीतिअनुसार कोभिड–१९ सङ्क्रमणपछि हुने भीडभाडलाई  ध्यानमा राखेर प्रविधिको प्रयोगलाई जोड दिएको हो ।

ल्होत्सेले बस टिकट खरीद तथा बुकिङका लागि क्यूआर कोर्डमार्फत भुक्तानी हुने व्यवस्था मिलाएको छ । नयाँ बसपार्कभित्र अहिले ३५ टिकट काउण्टर सञ्चालनमा छन् ।