आज पहाडी भू-भागमा आंशिकदेखि सामान्य बदली

२ वैशाख, काठमाडौं ।  जल तथा मौसम पूर्वानुमान महाशाखाले बिहीबार देशका पहाडी भूभागका एक वा दुई  स्थानमा मेघगर्जन र चट्याङसहित क्षणिक वर्षाको सम्भावना रहेको जनाएकाे छ ।

मौसम पूर्वानुमान महाशाखाकाे जारी माैसमी बुलेटिन अनुसार आज दिउँसो देशको पहाडी भूभागमा आंशिकदेखि सामान्य बदली रही बाँकी भूभागमा आंशिक बदली रहने र देशका पहाडी भूभागका थोरै स्थानहरुमा मेघगर्जन र चट्याङसहित क्षणिक वर्षाको सम्भावना रहेको जनाएकाे हाे ।

महाशाखाका अनुसार हाल देशमा स्थानीय वायु र पश्चिमी न्युन चापीय रेखाको प्रभाव रहेको छ।यस्तै, राति देशका पहाडी भू-भागमा आंशिकदेखि सामान्य बदली रही बाँकी भूभागमा मौसम सामान्यतया सफा  रहने पूर्वानुमान गरेको छ ।