श्रीमानसँगै कोरोना अस्पतालमा भर्ना भएकी महिलाको मृत्यु

२ वैशाख, विराटनगर । विराटनगरको कोसी अस्पताल श्रीमानसँगै कोरोना अस्पतालमा भर्ना भएकी महिलाको मृत्यु भएको छ । बिहीबार बिहान करिब ४ बजे विराटनगर महानगरपालिका ४ बरगाछीकी ४६ वर्षीया महिलाको मृत्यु भएको हो ।

मृतक महिला बुधबार दिउँसो श्रीमानसँगै कोरोना अस्पतालमा भर्ना भएकी थिइन् । नोबेल अस्पतालमा पीसीआर परीक्षण गराउँदा रिपोर्ट पोजिटिभ आएको थियो ।

स्कुटरमा अस्पताल पुगेकी महिलाको अवस्था सामान्य थियो । तर एक्कासी अक्सिजनको मात्रा कमी भएका कारण मृत्यु भएको अस्पतालले जनाएको छ ।