बिहीबार थप ५३४ जनामा कोरोना संक्रमण

२ वैशाख, काठमाडौं । बिहीबार थप ५३४ जनामा कोरोना भाइरस संक्रमण पुष्टि भएको छ । पछिल्लो २४ घण्टामा ३५८८ जनामा गरिएको पीसीआर परीक्षणमा ४९० जना र ५६४ जनामा गरिएको एन्टिजेन परीक्षणमा ४४ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार काठमाडौं जिल्लामा १४५, ललितपुरमा ४३, कास्कीमा ३८, बाँकेमा ८९, मोरङ र दाङमा १३/१३, रुपन्देहीमा १६, महोत्तरी र बाग्लुङमा १०/१० जनामा संक्रमण पुष्टि भएको छ ।

२४ घण्टामा कोरोना भाइरस संक्रमण निको भएर १५७ जना घर फर्केका छन् । आज कोरोना संक्रमणबाट ५ जनाको मृत्यु भएको छ ।