अब बिना माक्स विमानस्थल प्रवेशमा नो एन्ट्री

३ वैशाख, काठमाडौं । कोरोना भाइरस संक्रमणको जोखिम बढेसँगै अब बिना माक्स त्रिभुवन अन्तर्राष्ट्रिय विमानस्थल प्रवेश गर्न नपाइने भएको छ ।

त्रिभुवन अन्तर्राष्ट्रिय विमानस्थल नागरिक उड्डयन कार्यालय, सुरक्षाकर्मी र अन्य सरोकारवाला निकायको बैठकले मास्कविना विमानस्थल प्रवेशमा निषेध गर्ने निर्णय गरेको हो । मास्क र सेनिटाइजरको प्रयोग अनिवार्य गरिएको विमानस्थल सुरक्षा कार्यालयले जनाएको छ ।