जसपालाई फकाउँदै ओली, मुद्दा खारेज गर्ने प्रतिवद्वता  

३ बैशाख, काठमाडौं । प्रधानमन्त्री केपी शर्मा ओलीले सत्ता बचाउका लागि जनता समाजबादी दल (जसपा)लाई आफ्नो कित्तामा राख्न उक्त दलले उठाउदै आएको माग संवोधन गर्ने संकेत गरेका छन् । गण्डकी प्रदेशमा नेपाली कांग्रेस, माओवादी केन्द्र र जसपा बीच समीकरण निर्माण भई अविश्वासको प्रस्ताव दर्ता भएपछि केन्द्रमा पनि सोही समीकरण बन्ने अवस्थापूर्व ओलीले जसपाले उठाउँदै आएका माग संवोधन गरदिने बाचा गरेका हुन ।

जनता समाजवादी पार्टी (जसपा) का अध्यक्ष महन्थ ठाकुरसंगकाे भेटमा प्रधानमन्त्री ओलीले माग संवोधन गर्न प्रतिवद्धता जनाउँदै सत्ता सहयात्राको प्रस्ताव गरेको जसपा नेताहरुले बताएका छन् ।भेटमा ओलीले गण्डकी प्रदेश र लुम्विनी प्रदेशमा कांग्रेस र माओवादीलाई सहयोग नगर्न अपिल गरेका थिए ।

सांसद रेशम चौधरीमाथि लगाइएको मुद्दा खारेज हुनुपर्ने, तराई–मधेस आन्दोलनका क्रममा कार्यकर्तामाथि लगाइएका मुद्दाहरु खारेज गरी सहयोग गरेमा सरकारलाई सहयोग गर्न सकिने जसपाले बताउँदै आएको छ  । सरकारले माग सम्बोधन गरे सरकारलाई समर्थन गर्ने जसपाले बताईरहेका बेला प्रधानमन्त्री ओली र अध्यक्ष ठाकुरबीच भेटवार्ता भएको छ ।