बुटवलमा अर्घाखाँचीकी संक्रमित महिलाको मृत्यु

३ वैशाख, बुटवल । कोरोना भाइरस संक्रमणबाट अर्घाखाँचीकी संक्रमित महिलाको उपचारका क्रममा मृत्यु भएको छ । अर्घाखाँचीको शीतगंगा नगरपालिका–३ की ७० वर्षीया महिलाको बुटवल धागो कारखानामा सञ्‍चालित कोरोना विशेष अस्थायी अस्पतालमा शुक्रबार बिहान मृत्यु भएको हो ।

चैत २९ गते कोरोना संक्रमण पुष्टि भएपछि सोही दिन अस्पताल भर्ना भएकी महिलामा ज्वरो र श्वास प्रश्वासको समस्या रहेको अस्पतालले जनाएको छ । पछिल्लो एक हप्तामा यसअघि कोरोना विशेष अस्पतालमा चारजनाको मृत्यु भइसकेको छ ।