केसीको निधनले डा. शेखर दुःखी

४ बैशाख, काठमाडौं । नेपाली कांग्रेस कास्कीका नेता हर्कबहादुर केसीको निधनप्रति कांग्रेसका प्रभावशाली नेता डा. शेखर कोइरालाले दुःख व्यक्त गरेका छन् ।

नेपाली कांग्रेस कास्कीका सभापति तथा आफ्ना अतिनै प्रिय मित्र कृष्ण केसीका पिता हर्कबहादुर केसीको असामयिक निधन प्रति कोइरालाले ठुलो दुःख र गहिरो पीडा महशुस भइरहेको बताएका छन् ।

कास्की कांग्रेसका धरोहर हर्कबहादुर केसीलाई विरामी अवस्थामा केहि समय अघिमात्रै आफुले भेटेको स्मरण गर्दै आफ्नो फेसबुक पेजमा नेता डा. शेखरले लेखेका छन्ः- २०७७ चैत २९ गते मात्रै पोखरा स्थित निवासमा पुगेर बुवाको स्वास्थ्यअवस्थाबारे जानकारी लिएको थिएँ।

कांग्रेसका जनप्रिय नेता डा. शेखर आफ्ना अति प्रिय मित्रमाथि परेको कठोर बज्रपात प्रतिदुःखीत, स्तब्ध र भावविव्हल हुँदै काेइरालालेआफ्नो शोकशन्देशमा अगाडि लेखेका छन् :- नेपाली कांग्रेस कास्कीका सभापति एवं मेरा मित्र कृष्ण केसीका पिता हर्कबहादुर केसीको निधनले आफुलाई अत्यन्तै दुःखी र स्तव्ध बनाएको छ।

डा. शेखरले शोक र दुःखको यस घडीमा समस्त शोकाकुल केसी परिवारमा धैर्यधारण गर्ने शक्ति परमेश्वरले प्रदान गरुन भन्दै समस्त केसी परिवारमा हार्दिक समवेदना र स्व.हर्कबहादुर प्रती भावपूर्ण श्रद्धान्जली अर्पण गरेका छन् ।