प्रदेशसभा-१ काे हिउँदे अधिवेशन अन्त्य

५ वैशाख, विराटनगर । प्रदेशसभा १ को अधिवेशन आज राति १२ बजेदेखि अन्त्य गरिएको छ । प्रदेश मन्त्रिपरिषद्को सिफारिसमा प्रदेश प्रमुख सोमनाथ अधिकारीले नेपालको संविधान १८३ को उपधारा ‘२’ बमोजिम हिउँदे अधिवेशन अन्त्य गरेका हुन् ।

प्रदेश प्रमुखको कार्यालयकाका प्रवक्ता नरेन्द्रकुमार श्रेष्ठले मन्त्रिपरिषद्को सिफारिसमा प्रदेश प्रमुख अधिकारीले अधिवेशन अन्त्य गरेको विज्ञप्तिमार्फत जनाएका छन् ।

प्रदेशसभाको हिउँदे अधिवेशन माघ ७ गते बोलाइएको थियो । यो अधिवेशनमा मुख्यमन्त्री शेरधन राईविरुद्ध अविश्वास प्रस्ताव प्रदेशसभा बैठकमा पेश भए पनि छलफल हुन सकेन ।

धेरै बैठकहरु सूचना टाँस गरेर स्थगित भएको थियो । फागुन २३ मा सर्वोच्च अदालतले नेकपा एमाले र माओवादी केन्द्र ब्युँताएपछि प्रदेशसभाबाट अविश्वास प्रस्ताव फिर्ता भएको थियो ।