तीव्र गतिमा फैलिदै कोरोना, आज १०९६ संक्रमित

५ वैशाख, काठमाडौं । नेपालमा काेराेना भाइरसकाे दाेस्राे लहर सुरू भएसँगै संक्रमण पनि तीव्र गतिमा फैलिदै गइरहेकाे छ । काेराेना जाेखिम उच्चपछि पछिल्लो २४ घण्टामा थप १०९६ जनामा संक्रमण पुष्टि भएको छ ।

स्वास्थ्य तथा जनसंख्या मन्त्रालयका  अनुसार ५०८४ पीसीआर परीक्षणबाट १०१५ र ६९९ एन्टीजेनबाट ८१ जनामा संक्रमण पुष्टि भएको बताइएकाे छ । मन्त्रालयले दिएकाे जानकारी अनुसार काठमाडौं उपत्यकामा पछिल्लो २४ घण्टामा  ४३५ जनामा संक्रमित भएका छन् ।

यसमध्ये ३२६ जना काठमाडौंमा, ६४ जना ललितपुर तथा ४५ जना भक्तपुरका रहेका छन् । पछिल्लो २४ घन्टामा २६२ जना संक्रमणमुक्त भएका छन्।

मन्त्रालयका  अनुसार पछिल्लो एक सातामा १९५४२ परीक्षण भएकोमा ३१०९ संक्रमित फेला परेका छन्। यस्तै यो साता ८५३ जना संक्रमणमुक्त भएका छन्।