विद्यालय बन्द गर्ने लगायत सीसीएमसीका प्रस्तावहरू परिमार्जनसहित पारित  

६ वैशाख, काठमाडौं । सरकारले कोरोना भाइरसको बढ्दो सङ्क्रमण नियन्त्रणका लागि कोभिड- १९ संकट ब्यवस्थापन केन्द्र सीसीएमसीले  राखेका प्रस्तावहरु मन्त्रिपरिषद् बैठकले परिमार्जनसहित पारित गरेको छ । आज बिहान बसेको मन्त्रिपरिषद्को बैठकले लकडाउनको अवस्थामा पुग्नु नपर्नेगरी कोरोना भाइरस सङ्क्रमण नियन्त्रण तथा रोकथामबारे निर्णयहरू गरेको स्वास्थ्य तथा जनसङ्ख्या मन्त्री हृदयेश त्रिपाठीले बताएका छन्।

सरकारले जनताको जीवन जोगाउनका लागि सकेसम्म फेरि लकडाउनमा जान नपरोस् कोभिड सङ्कट व्यवस्थापन केन्द्रमा लगेका प्रस्तावहरू केही सरकारले केही परिमार्जनसहित पारित गरेको जानकरी दिए पनि कुन कुन विषय परिमार्जन गरिएको सम्वन्धमा भने खुलाएनन् । मुख्य  सरकारले विशेष गरी शहरी इलाकामा मात्र विद्यालय  बन्द गरी बैकल्पिक माध्यमबाट पठन पाठन संचालन गर्ने गराउने निर्णय गरेको बताइएको छ ।

सरकारका प्रवक्ताले आजै पत्रकार सम्मेलनको आयोजना मन्त्रिपरिषद्का निर्णयहरु बारे जानकारी गराउदै छन् । यसअघि सीसीएमसीले विद्यालयहरूमा प्रत्यक्ष पठनपाठन स्थगित गर्नुपर्ने सिफारिस गरेपछि शिक्षा मन्त्रालय र स्वास्थ्य तथा जनसङ्ख्या मन्त्रालयबीच मतभेद वाहिर आएका छन् । संक्रमणको ग्राफ बढदा पनि विद्यालय अझै बन्द गरिएको छैन ।