सरकारले हठा्त अधिवेशन अन्त्य गरेपछि दलहरुसँग परामर्शमा माओवादी केन्द्र

६ वैशाख, काठमाडौं । नेकपा माओवादी केन्द्रको आज बोलाइएको स्थायी कमिटी बैठक स्थगित भएको छ। प्रतिनिधिसभा अधिवेशन अन्त्य भएपछि स्थायी कमिटी बैठक स्थगित गरी दलहरुसँग परामर्शमा माओवादी केन्द्र जुटेको हाे ।

सरकारले हठात् प्रतिनिधिसभाको अधिवेशन अन्त्य गर्ने निर्णय गरेकाले पछिल्लो परिस्थितिबारे अन्य दलहरुसँग छलफल गर्नुपर्ने भएकाले बैठक स्थगित गरिएको नेकपा माओवादी केन्द्रका नेता नारायणकाजी श्रेष्ठले जानकारी दिए । माओवादी केन्द्रले बैठक रोकेर संसदमा प्रतिनिधित्व गर्ने अरु दलहरुसँग छलफल गर्न लागेको हो ।

सरकार आजै १ बजेबाट प्रतिनिधिसभाको चालु अधिवेशन अन्त्यको सिफारिस गरेअनुसार राष्ट्रपति विध्यादेवी भण्डारीले प्रतिनिधि सभाको चालु अधिवेशन अन्त्यगरिसकेकी छन् ।   माओवादी केन्द्रले समर्थन फिर्ता लिने वा अविश्वासको प्रस्ताव दर्ता गर्ने सम्वन्धमा छलफल गर्न आज दिउँसो १ बजे स्थायी कमिटी बैठक बोलाएको थियो ।