नेपाली नारी समाज पोर्चुगलको अध्यक्षमा शिवानी

६ वैशाख,पोर्चुगल । नेपाली नारी समाज पोर्चुगल तेस्रो महाअधिवेशनले सीता श्रेष्ठ ‘शिवानी’का अध्यक्षतामा २१ सदस्यीय नयाँ कार्यसमिति सर्वसम्मत निर्वाचन गरेको छ । समाजका उपाध्यक्षमा प्रीतु लामा, ज्योत्स्ना अधिकारी, गीता रेउले, जानकी सुवेदी९पोर्तो०, महासचिवमा पुनम गौतम, सचिवमा कल्पना कार्की र मोनिका भुसाल, कोषाध्यक्षमा डोङ्गाल्हामु शेर्पा र सहकोषाध्यक्षमा देवी गुरुङ चयन भएका छन् ।

समाजका संस्थापक सीता बरालका संयोजकत्वमा गठित निर्वाचन समितिबाट भएको निर्वाचनमा कार्यसमितिका सदस्यमा लक्ष्मी परियार, स्मृति न्यौपाने, इन्दिरा श्रेष्ठ, अङ्किता खनाल, गङ्गा लामा, स्नेहा परियार, बबिता शर्मा, विन्दु गौतम, इन्द्रकुमारी थापा, बुद्धिमाया गुरुङ र सत्यदेवी गुरुङ चयन भएका छन् ।

तेस्रो अधिवेशनको भर्चुअल उद्घाटन गर्दै पोर्चुगलका लागि अवैतानिक महावाणिज्यदूत मकर हमालले समाजले सामाजिक सेवा र महिला अधिकारको संरक्षण गर्न महत्वपूर्ण भूमिका खेलेको बताए । संस्थाका संरक्षक एवं लैङ्गिक हिंसा विशेषज्ञ डा ज्योति तुलाधरले नवनिर्वाचित समितिलाई गोपनीयता र पदको शपथ खुवाउँदै समाज स्थापनाकालदेखि महिला अधिकारका लागि उल्लेखनीय भूमिका खेलेको बताए । अधिवेशनले समाजका प्रतिवेदन तथा आर्थिक प्रतिवेदन पारित गरेको थियो । अधिवेशनमा पोर्चुगलमा रहेका विभिन्न नेपाली सामाजिक सङ्घसंस्थाका अध्यक्षको सहभागिता थियो ।