चलचित्र ‘बाबरी क्याफे’को छायांकन सुरु

काठमाडौं । चलचित्र ‘बाबरी क्याफे’को छायांकन सुरु भएको छ । आजबाट सुरु भएको छायांकन पूर्वको लेटाङबाट सुरु गरिएको निर्माणपक्षले बताएको छ ।

चलचित्रमा नायिका अदिती वुढाथोकी र नायक धिरज मगरको मुख्य भूमिका रहेको छ । बाबरी फिल्मस्को प्रस्तुतिमा तयार हुन यो चलचित्रको छायांकन लेटाङ, बुधबारे र सिक्किममा हुनेछ । चलचित्रलाई सुरेन्द्र पौडेलले निर्देशन गर्दैछन् ।

२ यूवा र एक यूवतीका त्रिकोणात्मक प्रेमकथामा निर्माण हुन लागेको यो चलचित्रको छायांकन गतबर्षको लकडाउन अगाडि नै सुरु गर्ने तयारीमा यसको निर्माणपक्ष थियो । तर, कोरोनाका कारण लामो समय लकडाउन भएपछि चलचित्रको काम सुरु हुन सकेको थिएन ।