पछिल्लो २४ घण्टामा १२८१ संक्रमित थपिए, ९ जनाको मृत्यु

६ वैशाख,काठमाडौं । सोमबार थप १२८१ जनामा कोरोना संक्रमण पुष्टि भएको छ। स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभर ७०० १ नमूनाको पीसीआर परीक्षण र ५४७ जनाको एन्टिजेन परीक्षण भएको थियो।

जसमध्ये पीसीआर १२२७ जना र एन्टिजेन विधिबाट ५४ जनामा कोरोना संक्रमण पुष्टि भएको हो। पछिल्लो २४ घण्टामा २५५ जना उपचारपछि डिस्चार्ज भएका छन् ।

योसँगै निको हुनेको सङ्ख्या दुई लाख ७५ हजार ५५५ पुगेको मन्त्रालयले जनाएको छ। त्यस्तै पछिल्लो २४ घण्टामा ९ जनाको मृत्यु भएको छ । योसँगै कोरोना संक्रमणबाट मृत्यु हुनेको सङ्ख्या तीन हजार ९१ जना पुगेको छ ।