फेरि कोरोना हटस्पट बन्दै वीरगंज, सीमाक्षेत्रमा कडाई

०७ बैशाख, काठमाडौं । स्वास्थ्य सुरक्षाकालागि नेपाल सरकारले जारी गरेका कोभिड १९ को पूर्ण पालना नगर्दा पर्सा जिल्ला फेरी कोभिड १९ कोरोना भाइरसको हटस्पोट बन्दै गएको छ । भौतिकदुरीको पालना तथा मस्कको अनिर्वाय प्रयोगलाई सर्वसाधराणले बेवास्ता गर्दा दैनिकजसो भइरसका सक्रमित  थपिने संख्या बढेको छ ।

चैत्र महिनाको २० गते देखि २९ गते सम्मा १ सय ८७ वटा स्वायबको नमुनालई परिक्षण गर्दा   ६७ जना कोराना संक्रमित भेटिएकोमा चैत्र ३० गते देखि बैशाख ६ गते सम्मा  ५ सय २८ वटा स्वायबको नमुनालाई परिक्षण गर्दा ३ सय ५५ जना संक्रमित भेटिएको नारायणी अस्पतालका कोभिड कोडिनेटर डा. सरोज रोशन दासले जानकारी दिए । उहाँले  भेटिएका संक्रमित मध्य ३सय ३ जना पर्सा जिल्लाका र ५२ जना बारा, रौतहट, सर्लाही, मकवानपुर लागयत जिल्ल्लाका रहेको बताए ।

गएको ६ दिन भित्र संक्रमणकै कारण ३ जनाको उपचारको क्रम्मा मृत्यु भएको डा. दासले दिए । उनले भौति दुरीको पालना, साबुन पानीले हात धुने र मास्कको अनिर्वाय प्रयोग जस्ता स्वास्थ्य सुरक्षाका मापदण्डको पालना नभएकै कारण संक्रमितको संख्या बढ्दै गएको उनले बताए । जिल्लामा बढ्दै गएको संक्रमणमितको संख्यालाई नियन्त्रण गर्न स्थानिय प्रशासन र स्थानिय तहहरुले केही प्रयासहरु थालेका छन् ।

संक्रमणलाई नियन्त्रण गर्न वीरगन्ज महानगरपालिकाले सबै शिक्षण संस्थाहरुलाई  बन्द गर्ने निर्णय गरेको छ भने जिल्ला प्रशासन कार्यालय पर्साले वितरण गर्ने सेवाहरुलाई वर्गकृती गर्दै सीमाक्षेत्रमा कडाई गर्दै लगिएको छ । जिल्लामा हरेका १४ वटै स्थानियतहबाट हुने सिफारीहरुलाई सातामा दुई दिन मात्र गर्न जिल्ला प्रशासन कार्यालयले निर्देशन दिएको छ । संक्रमितको बढदो संख्याकालाई नियन्त्रण गर्न उदेश्यले सिमाक्षेत्रमा कडायी गर्र्नुको साथै कार्यालयमा  सेवाग्राहीको भिडलाई कम गर्न सेवाहरुलाई वर्गकृती गरिएको सहायक प्रमुख जिल्ला अधिकारी भिमकान्त पौडेलले दिएका छन् ।