माओवादी केन्द्रको स्थायी कमिटी बैठक बस्दै

७ बैशाख,  काठमाडौं। नेकपा माओवादी केन्द्रको स्थायी कमिटी बैठक आज बस्दैछ । दिउँसो एक बजे पार्टी मुख्यालय पेरिसडाँडामा बस्ने बैठकमा समसामयिक राजनीतिका विषयमा छलफल हुने बताइएको छ ।

यस्तै आजको बैठकमा संसद अधिवेशन अन्त्यपछिको अवस्था र पार्टीको सांगठनिक गतिविधिका बारेमा छलफल हुने छ । बैठकले सरकारलाइ दिएको समर्थन फिर्ताका सम्वन्धमा निर्णय गर्नसक्ने बताइएको छ।

सोमबारमात्र सरकारले प्रतिनिधिसभाको चालु अधिवेशन अन्त्य गरेपछि हिजोका लागि तय भएको स्थायी कमिटी बैठक अन्य दलसँग परामर्श गर्ने भन्दै स्थगित गरिएको थियो ।