वीरगन्जबाट १९ किलाे गाँजासहित एक जना पक्राउ

८ वैशाख, काठमाडौं । पर्सा प्रहरीले नेपालबाट भारत तर्फ लैजादै गरेको प्रतिबन्धित लागुऔषध गाँजासहित  एक व्यक्तिलाई पक्राउ गरेको छ । विशेष सुचनाको आधारमा प्रहरीले वीरगन्ज महानगरपालिकाको वडा नं. १५ बाइपास सडक खण्डबाट १९ किलो ग्राम गाँजासहित वीरगन्ज महानगरपालिका वडा नं. १३ मुर्ली निवासी उमर अन्सारीलाई पक्राउ गरी सार्वजनिक गरेको हो ।

ना ३८ प ६२२६ नम्बरको मोटरसाईकलमा लोड गरी भारत तर्फ जानेक्रम्मा प्रहरीले अन्सारीलाई  गाँजा सहित नियन्त्रणमा लिएको जिल्ला प्रहरी कार्यालय पर्साका प्रहरी उपरिक्षण बेलबहादुर पाण्डेले जानकारी दिए ।

वीरगन्जबाट दक्षित तर्फ जाँदैगरेका अन्सारीलाई रोकी चेकजाँच गर्दा दूईवटा पोकामा रहेको उक्त परिमाणको गाँजा बरामद भएपछि आवस्यक अनुसन्धानका लागि उनलाई नियन्त्रणमा लिइएको बताए ।

बरामद भएको गाँजा, मोटरसाईकल र पक्राउपरेका व्यक्तिलाई जिल्ला प्रहरी कार्यालय पर्सामा राखि लागु औषध कसुर मुद्दामा अनुसन्धान  अगाड बढाएको प्रहरीले जनाएको छ ।