लुम्बिनीमा पत्रकारसहित दुईजना संक्रमितको मृत्यु

८ वैशाख, दाङ । लुम्बिनी प्रदेशमा दाङका एक पत्रकारसहित दुईजना काेराेना संक्रमितको मृत्यु भएको छ । निरन्तर संक्रमण बढ्दैगएपछि पछिल्लो समय संक्रमित हुनेको संख्या पनि बढ्दै गएको छ । संक्रमणकै कारण दाङमा एक पत्रकारको उपचारका क्रममा मृत्यु भएको हो ।

केही हप्ता पहिले टाइफाइड देखिएका उनमा चैत २७ गते कोरोना संक्रमण पुष्टि भएको थियो । उनी राप्ती स्वास्थ्य विज्ञान प्रतिष्ठानको आइसोलेसनमा भर्ना भएका थिए । पछि काठमाडौं लगिएको थियो। घोराही उपमहानगरपालिका वडा नं। १७ का ४० पुरुषको काठमाडौंमा मंगलबार राति उपचारका क्रममा मृत्यु भएको हो ।

यस्तै भेरी अस्पताल नेपालगन्जमा उपचाररत बांकेको नेपालगन्ज-१२ का एक पुरुषको मृत्यु भएको छ । ७० वर्षीय ती पुरुषको उपचारकै क्रममा मंगलबार राति १२ बजे मृत्यु भएको हो । उनी चैत्र २९ गते कोरोना संक्रमण पुष्टि भएसँगै अस्पताल भर्ना भएका थिए । योसँगै बाँकेमा कोरोना संक्रमितको मृत्यु हुने संख्या ६५ पुगेको छ ।