अब जापान जान ७२ घण्टा भित्रको पीसीआर अनिवार्य

८ वैशाख, काठमाडौं । अब जापान जानका लागी ७२ घण्टा भित्रको पीसीआर अनिवार्य चाहिने भएको छ । साथमा रिपोर्टमा नतिजा नेगेटिभ आएको हुनुपर्छ । कोरोना भाइरसको बढ्दो महाकारीकाबीच जापान जाने यात्रुका लागि पीसीआर विधि तोकिएको नेपाल वायुसेवा निगमले जनाएको हो ।

जापानको स्वास्थ्य मन्त्रालय मातहतको क्वारेन्टिन स्टेशनबाट जारी सूचना अनुसार तोकिएको विधि पूरा नगरी आएका पीसीआर रिपोर्ट बाहक यात्रुले जापानमा प्रवेश अनुमति नपाउने भएका छन् ।

अहिले जापानमा निगमले नियमित हवाई उडान गरिरहेको छ । निगमले जापान सरकारको वेबसाइट हेरेर निश्चिन्त भएर मात्र उडान गर्न समेत यात्रुमा अनुरोध गरेको छ ।